Фарміраванне ўстойлівай цікавасці і станоўчых адносін да беларускай мовы дзяцей дашкольнага ўзросту сродкамі гульнявой дзейнасці
18.04.202314.04.2023 на базе ДУДА "Дзіцячы сад № 12 г.Брэста" адбылося пасяджэнне кансалтынгавага пункту па тэме: "Фарміраванне ўстойлівай цікавасці і станоўчых адносін да беларускай мовы дзяцей дашкольнага ўзросту сродкамі гульнявой дзейнасці".
Актыўны ўдзел у гэтым пасяджэнні прынялі выхавацелі дашкольных устаноў Ленінскага раёна г.Брэста.
У рамках семінара- брыфінгу ўдзельнікі з задавальненнем адказвалі на пытанні віктарыны "Знаўцы беларускай мовы", гулялі ў гульню " Неверагодная гісторыя".
У працэсе работы былі разгледжаны пытанні інтэграванага падыходу да фарміравання беларускага маўлення дзяцей дашкольнага ўзросту.
Педагогі мелі магчымасць праглядзець відэа заняткі сваіх калег "Размаўляем і гуляем, нашу мову вывучаем" У рамках семінару, выхавацелі Церанцюк Д.С., Семянюк С.С. падзяліліся з удзельнікамі пасяджэння выкарыстаннем гульнявых метадаў і прыёмаў у рабоце з дзецьмі дашкольнага ўзросту.
Толькі гульня здольна даць дзецям цікавасць, сімпатыю да маўленчай дзейнасці. Толькі ў гульні ляжыць творчы працэс "моўных адкрыццяў".